網紅的藏寶箱今朝有個電台節目，主持人將套戲最唔好嘅地方都講晒出黎，大意係佢講到「媽媽每一句說話都傷害緊佢個仔、點樣用一啲『講聽過粗口』嘅說話黎鬧個仔、對個仔無信心、睇死佢，但矛盾地佢係出於『愛』，想激勵個仔嘅。」套戲係明顯地endorse緊呢種「愛」，透過神奇小子最終嘅成就，去肯定戲中個媽媽所作所為（哪怕佢一直個方法有幾錯）。
而更矛盾地，個主持明明睇到晒呢啲位，但佢竟然覺得咁樣係好睇，好感動佢。佢話「媽媽對個仔無信心係因為太錫佢」（大晒？），仲叫父母入場感受吓。CLS世界。
只能說，如果只有《神奇小子》，沒有《媽媽的》，套戲會好睇好多。退一步，就算係《神奇小子與一個普通媽媽》都會好睇得多…
P.S. 佢前半講三位神奇小子演員做得有幾好，我係同意的。
P.P.S. 第二唔好係個音樂，對比以前，今次戴嘅失控（雖然未必係佢意願？）直頭係令人失望。
Search